АҞӘА, ажьырныҳәа 19 - Sputnik. Ақалақь Рио-де-Жанеиро адунеитә архитектура иаҳҭнықалақьхоит 2020 шықәсазы. Абри аҩыза аӡбамҭа аднакылеит ИУНЕСКО, Жәларбжьаратәи архтитекторцәа реидгыла ацны, ахәаша, ажьырныҳәа 18 рзы.
ИУНЕСКО асаит аҟны ицәыргоу аҳәамҭа ишаҳәо ала, Рио-де-Жанеиро ақалақь аҿы еиҿкаахоит хышықәса рахььтә знык имҩаԥысуа Жәларбжьаратәи архитекторцәа реидгыла адунеизегьтәи рконгресс. Зеиԥшла иуҳәозар, ари ақалақь аҿы акәхоит иахьа адунеи аҿаԥхьа акультура аганахьала ицәырҵуа аглобалтә проблемақәа - хра злоу ақалақьеиқәыршәаратә, архитектуратә зҵаарақәа иахьрылацәажәо.
"Имҩаԥааго хкы рацәала ауснагӡатәқәа ирыбзоураны, Рио-де-Жанеиро адунеитә архитектура аҳтнықалақь аҳасабала ицәырнагоит архитектура аҵак ду шамоу ақалақь акультуратә ҿиараҿы", - ҳәа азгәаҭоуп аҳәамҭаҿы.
