АҞӘА, ажьырныҳәа 22 - Sputnik. Венесуелатәи аполициауаа Венесуела аҳҭнықалақь Каракас ақалақь араионқәа руак, Лос-Меседорес аҿы аҿагыларатә акциа иалахәыз ирылахысуан ҳәа аанацҳауеит РИА Новости, апортал Nacional адыррақәа ҵаҵӷәыс иганы.
Уаанӡа адемонстрантцәа раанкыларазы аполициаа рхы иадырхәеит алаӷырӡаагага газ. Апортал адыррақәа рыла, еиҳарак ажәҩан ахь ихысуан ауаа реимырпразы.
Ашәахьаҽны, Каракас араионқәа ҩба – Лос-Меседореси Пуерта-Каракаси Котис имҩаԥысуаз аҿагыларатә акциа рҽаладырхәит.
Апортал Nacional адыррақәа рыла, араионқәа Лос-Меседореси Пуерта-Каракаси рҿы амҩадуқәа рахь ауаа цәырҵны абаррикадақәа дыргыло иалагеит. Атәылауаа рҟынтә ирацәоуп Николас Мадуро иполитика иаҿагыло.
Аруаа рықәгылара хәаҽуп, алахәылацәа аанкылоуп.
