АҞӘА, жәабран 4 - Sputnik. Римтәи Папа Франциск Еиду Арабтәи Аемиратқәа дырҭаарц амҩа дықәлеит амҽыша ҳәа аанацҳауеит РИА Новости.
"Еиду Арабтәи Аемиратқәа рахь амҩа сықәлоит иашьак иҳасаб ала, аҭынчра амҩа ҳаицанысырц. Сыхьӡала Анцәа шәимҵаныҳәала", - ҳәа иҩуеит апонтифик Twitter аҿы.
I am about to leave for the United Arab Emirates. I am visiting that Country as a brother, in order to write a page of dialogue together, and to travel paths of peace together. Pray for me!
— Pope Francis (@Pontifex) 3 февраля 2019 г.
Римтәи Папа Франциск Римтәи-акатоликатә уахәама аҭоурых аҿы раԥхьаӡа акәны Аравиатәи адгьылбжьаха даҭаауеит.
Абу-Дабиҟа иԥырра аламҭалаз, Ватикан амҽышатә нцәаимҵаныҳәара аамҭазы апонтифик иныҟәара "аамҭала икьаҿу аха аҵакы дуны измоу" ҳәа дахцәажәеит.
Еиду Арабтәи Аемиратқәа рҿы Франциск ихы алаирхәуеит жәларбжьаратәи адинбжьаратә еиԥылара.
