АҞӘА, жәабран 6 – Sputnik. Британиатәи стрит-арт азҟаза Бенкси иҭыхымҭа "Девочка с воздушным шаром" Баден-Баден иҟоу ҳаамҭазтәи аҟазара амузеи ахь инаргеит. Абри атәы аанацҳауеит апортал "360".
Амузеи аусзуҩцәа асахьа зҭагылоу арама еимырхит уаанӡа аукцион Sotheby’s аҿы ианӡыргаз ахалақәхра шахьыз еиԥш еиҭаҟамларц азы.
Бенкси ихаҭа ирҿиамҭа аӡыргараз аԥара агара дшақәшаҳаҭымхашаз азгәаҭо аекспозициа аҭаара хәыда-ԥсаданы еиҿыркааит.
Уаанӡатәи адыррақәа рыла, стрит-арт азҟаза ду ирҿиамҭа "Девочка с воздушным шаром" аукцион Sotheby's аҿы Лондон миллионк фунт стерлинг ҳәа аҭиразы ианықәыргылаз ахала аҽықәнахит.
