РУСДРАМ аҿы ахәыҷтәы театртә студиа аадыртуеит

© Sputnik / Томас ТхайцукДети во время спектакля в РУСДРАМе
Дети во время спектакля в РУСДРАМе - Sputnik Аҧсны
Анапаҵаҩра
НовостиTelegram
РУСДРАМ ахәыҷтәы студиахь адкыларазы арзаҳалқәа наргоит жәабран 11-20 рзы.

АҞӘА, жәабран 11 – Sputnik, Сариа Кәарцхьиаԥҳа. Аурыс драматә театр аҿы ихдыртраны иҟоуп ахәыҷтәы студиа ҳәа Sputnik  иазеиҭеиҳәеит атеатр адиректор хада Иракли Хынҭәба.

"Ирацәаҩны ҳахәаԥшыҩцәа аҳәара ҟарҵахьеит атеатр аҿы ахәыҷтәы студиа аартызарц. Араҟа ԥхьаҟатәи артистцәа аԥхьатәи аԥышәа роур алшон. Уажәы ирылаҳҳәеит арзаҳалқәа шҳадаҳкыло", - иҳәеит Хынҭәба.

Арзаҳалқәа рыдкылара иалагеит ашәахьа, жәабран 11 рзы. Ирыдыркылоит жә-шықәса ирҭысхьоу ахәыҷқәа. уажәнатә жәаҩык рырзаҳалқәа наргахьеит.

Гудиса Тодуа - Sputnik Аҧсны
Арадио
Ҭодуа: атеатр ахь иааиуа аԥсышәала дхәыцуазароуп

Ахәыҷәты студиаҿ азыҟаҵарақәа мҩаԥыргалоит РУСДРАМ актиорцәа.

"Ахәыҷқәа еиуеиԥшым ауснагӡатәқәа ирылаҳархәуеит. Аамҭақәак рышьҭахь аспектакль ҷыда ықәҳаргылашт. Актиор дхәыҷаахыс ари азанааҭ дадҳәалазароуп. Иалшоит иахьатәи арҭ ахәыҷқәа уаҵәтәи  апрофессионалтә актиорцәаны иҟалар", - ҳәа иҳәоит адиректор хада.

РУСДРАМ ахәыҷтәы студиахь рыдкыларазы арзаҳалқәа наргароуп жәабран 20 рзынӡа. Зынӡа ирыдыркылараны иҟоуп 15-ҩык ахәыҷқәа.

 

Ажәабжьқәа зегьы
0