Микрофон  - Sputnik Аҧсны
Арадио

Нанба еиҭеиҳәеит Урыстәылатәи аинвестициатә форум аҿы напы зҵаҩыз аиқәшаҳаҭрақәа зызку

© Sputnik / Томас ТхайцукДжансух Нанба
Джансух Нанба - Sputnik Аҧсны
Анапаҵаҩра
НовостиTelegram
Аԥсны афинансқәа рминистр Џьансыхә Нанба арадио Sputnik Аԥсны иаиҭаз аинтервиу аҿы иазгәеиҭеит Урыстәылатәи аинвестициатә форум-2019 аҿы напы зҵаҩыз аиқәшаҳаҭрақәа Аԥсны аекономикеи иара егьырҭ ахырхарҭақәеи рырҿираҿы хәарҭара злоу ракәны дышрыхәаԥшуа.
Нанба еиҭеиҳәеит Урыстәылатәи аинвестициатә форум аҿы напы зҵаҩыз аиқәшаҳаҭрақәа зызку

"Аекономика-инвестициатә форум аҿы Ненецктәи автономтә округи Аԥсныи ахәаахәҭра-економикатә, аҭҵаарадырра-техникатә, иара убас акультуратә усеицуразы амеморандум ҳнапы аҵаҳҩит. Иазгәаҳҭеит, анаҩсгьы ахәаахәҭра-економикатә усура аизырҳара напы шадаҳкыло. Ҳнапы зҵаҳҩыз адокумент ала ииашоу аимадара шьақәзыргыларц иара убас еиззырҳарц згәы иҭоу анаплакцәа рхатә аԥшьгарақәа азгәаҭара бзиа роуеит. Уи анаҩс, Аԥсны ахадареи Краснодар атәылаҿацә анапхгареи 2019-2021 шықәсқәа рзы аусмҩаԥгатәқәа рыпрограмма ҳнапы аҵаҳҩит, 2009 шықәса раахыс иҳамоу аиқәшаҳаҭра иаҳа инарҭбааны аус ауртә еиԥш иҟаларцаз. Хышықәсатәи аплан иаҵанакуеит еиуеиԥшым ахырхарҭақәа рыла аусеицура, ааглыхра азҵаарақәа, агәабзиарахьчара, атуристтә индустриа аизырҳара, аҵарадырра, аҿартә политика уҳәа", - ҳәа азгәеиҭеит Нанба.

Аԥсны аԥыза-министр Валери Бганба зхадараҿы дыҟаз аофициалтә делегациа Шәача, жәабран 14 рзы имҩаԥысуаз Урыстәылатәи аинвестициатә форум-2019 аартреи апленартә еилатәареи ирылахәын.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0