АҞӘА, хәажәкыра 4 - Sputnik. Акриосфинкс ашәара хә-метрак инаӡоит. Иара аадырԥшит ашвед-египеттә археологиатә миссиа алахәцәа, Египет аладатәи акалҭ аҿтәи ақалақь Асуан аҟны иҟоу ажәытә хаҳәххыга Џьибаль-ес-Сильсилиа иахьаҵанакуа. Абри атәы аанацҳауеит РИА Новости, агазеҭ "Мобтада" адыррақәа ҵаҵӷәыс иҟаҵаны.
Акриосфинкс шықәсыла Тутанхамон иабду — афараон Аменхотеп III (1388 — 1353 (1351) ҳера ҟалаанӡа) иаамҭа иаҵанакуеит.
Аҵарауаа иара убасгьы ирымԥыхьашәеит акобра захьӡу амаҭ сахьа – астатуиа ахы зҩычашази Аменхотеп III иаамҭазтәи атекст зну ақьашанеи.
Џьибаль-ес-Сильсила ааигәа-сигәа аԥшаарақәа рымҩаԥгара иацҵахоит.
