Гындиа инарҭбааны еиҭеиҳәеит Очамчыра аԥсыӡзауад аҵәахырҭаҿы амцакра атәы
"12:14 рзы Очамчыра ақалақь абылраҽацәыхьчаратә ҟәшахьы иасны адырра ҟарҵеит аԥсыӡзауад амца акит ҳәа. Уахь ишьҭын х-машьынак, аҭыԥаҿ еилкаахеит аԥсыӡлых-шыла ахьыҩнагылаз ахыбра амца амҽхакны ишыҟаз. Амцакра зыхҟьаз макьана еилкаамкәа иаанхоит, уи аҭҵаара иаҿуп ҳаспециалистцәа. Амца арцәаразы Очамчыраҟа ишьҭын Аҟәеи Гәылрыԥшьи рҟынтә амцарцәаҩцәа. Азауад аусзуҩцәа ражәақәа рыла, зоура 45 метри зыҭбаара 15 метри иҟаз ахыбра зегьы аԥсыӡ-шылала иҭәын. Амцарцәаҩцәа ҩ-сааҭки бжаки амца арцәара иаҿын, аӡәгьы машәыр имыхьит", - ҳәа азгәеиҭеит Гындиа.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
