Чагәаа еиҭеиҳәеит агрофирма "Кәыдры" аҟны имҩаԥырго аусурақәа ртәы
"Акомплекстә план инақәыршәаны, 30 гектар инареиҳаны абаҳча ҳамоуп: аҵәа, атама, ахәырма, афеихоа. Иахьазы абаҳча аилыхра ҳаҿуп. Уи адагьы, араион аҟны еиҿкаау амашьына-трактортә станциа ацхыраарала ахәшәтәрақәа мҩаԥаҳгарц ҳгәы иҭоуп. Уажәазы аҵәаҵлақәа хә-гектарк рҟынӡа еилаҳххьеит, атама акәзар, хышә шьапы инареиҳаны", - иҳәеит Чагәаа.
Нугзар Чагәаа иазгәеиҭеит ашәырқәа амармалташьтә пты аԥхасҭа рнамҭарц азы аԥхаррақәа шыҟалалак, ахәшәтәрақәа мҩаԥыргарц ргәы ишҭоу.
Шәазыӡырҩла арадио Sputnik Аԥсны аефир.
