АҞӘА, хәажәкыра 5 - Sputnik. Америка аҳәынҭдепартамент аҿы аҳәамҭа ҟарҵеит абжьаратә ракетақәеи аракета маҷқәеи рзы Аиқәшаҳаҭра (ДРСМД) аганахь ала Урыстәылеи дареи реилацәажәара ишазыхиоу. Абри атәы аанацҳауеит РИА Новости ателеканал "Россия 24" адыррақәа ҵаҵӷәыс иҟаҵаны.
Аусбарҭаҿы аиҿцәажәарақәа ирҭагылазаашьаны иазырыԥхьаӡеит "ЕААи иара апртниорцәеи ршәарҭадараз" агәаҭарақәа рымҩаԥгара.
Абарҭ аракетақәа рзы Аиқәшаҳаҭра Америкеи Асовет еидгылеи рнапы аҵарҩит 1987 шықәса рзы. 1991-шықәса рзы Асовет еидгыла иқәнагеит 1846 ракетатә комплекс, Еиду аштатқәа — 846.
2019 шықәса жәабран 2 рзы аиқәшаҳаҭра аилагарақәа амоуп ҳәа мзызны иҟаҵаны Дональд Трамп ДРСМД дшалҵуазы аҳәамҭа ҟаиҵеит. Убри аан Урыстәыла ахыдҵақәа ишрықәныҟәо азы аҳәамҭа изныкымкәа иҟанаҵахьеит.
