Гал араион аҿы амандаринатә плантациақәа амца ркит

© Foto / МЧС АбхазииГал араион аҿы амандаринатә плантациақәа амца ркит
Гал араион аҿы амандаринатә плантациақәа амца ркит - Sputnik Аҧсны
Анапаҵаҩра
Асовхоз "Махунджия" аҟны хәажәкыра 12 асааҭ 8:00 рзы абнара амцаа кит, уантәи амандаринатә баҳчарахь ииасит.

АҞӘА, хәажәкыра 13 – Sputnik, Сариа Кәарацхьиаԥҳа. Асовхоз "Махунджия" аҟны хәажәкыра 12 рзы иҟалаз амцакра иахҟьаны амандаринатә плантациақәа блит ҳәа Sputnik иазеиҭеиҳәеит асовхоз адиректор Генрих Ҭыжәба.

© Foto / МЧС АбхазииГал араион аҿы амандаринатә плантациақәа амца ркит
Гал араион аҿы амандаринатә плантациақәа амца ркит - Sputnik Аҧсны
Гал араион аҿы амандаринатә плантациақәа амца ркит

Амандаринатә баҳчахь амца ааигәа иҟаз абнараҟынтәи ииасит. Асавхоз аусуҩцәа амцакра шыҟалаз гәарҭеит ашьыжь, асааҭ 8:00 рзы. Амцаԥшь иаарласны иамҽханакит амандаринаҭра.

"Ҳара амандаринашьаҭақәа рыхәышәтәра ҳаҿын. Машәыршәоуп амцакра шыҟалаз шаабазгьы. Асааҭ 8:30 шыҟаз амцарцәаҩцәа ааит, аха амца еимҽханакхьан. Шьха ҭыԥуп. Аԥша ықәсуеит", - ҳәа иҳәоит Генрих Ҭыжәба.

© Foto / МЧС АбхазииГал араион аҿы амандаринатә плантациақәа амца ркит
Гал араион аҿы амандаринатә плантациақәа амца ркит - Sputnik Аҧсны
Гал араион аҿы амандаринатә плантациақәа амца ркит

Асааҭ 16:00 рзы амцарцәара алдыршеит. 25 гектар инарзынаԥшуа иблит. Урҭ рҟынтәи 12 гектар амандарина шьаҭа ҿақәа еиҭаҳан.

Заанаҵтәи аԥхьаӡарақәа рыла миллионки 600 нызқь мааҭ рҟынӡа ахарџь аиуит асовхоз.

"Хәышықәса ҵуеит асовхоз арендла иаагеижьҭеи. Асеиԥш еснагь аҭыԥ амоуп. Аҭыԥантәи ауаа амца абна ыларҵоит, нас уи арахь ииасуеит", - ҳәа иҳәоит Ҭыжәба.

Асовхоз аусуҩцәа аҭыԥантәи ауаа рыбжьара апрофилактикатә еилыркаара мҩаԥыргоит, аха хра аманы иҟам.

© Foto / МЧС АбхазииГал араион аҿы амандаринатә плантациақәа амца ркит
Гал араион аҿы амандаринатә плантациақәа амца ркит - Sputnik Аҧсны
Гал араион аҿы амандаринатә плантациақәа амца ркит

 

Ажәабжьқәа зегьы
0