Марттәи ажәылараҿы иҭахаз аибашьцәа ргәаладыршәеит Аҟәа Ахьӡ-аԥша абаҳчаҿы

© Foto / пресс-служба президентаПрезидент Республики Абхазия Рауль Хаджимба возложил цветы к Мемориалу погибшим в Отечественной войне народа Абхазии 1992-1993 годов в Парке Боевой Славы, 16 марта 2019
Президент Республики Абхазия Рауль Хаджимба возложил цветы к Мемориалу погибшим в Отечественной войне народа Абхазии 1992-1993 годов в Парке Боевой Славы, 16 марта 2019 - Sputnik Аҧсны
Анапаҵаҩра
Ахьӡ-аԥша абаҳчаҿы игылоу аԥсуа ҵеицәа рмемориал аҿаԥхьа ашәҭқәа рышьҭаҵара ацеремониа рхы аладырхәит Аԥсны аиҳабыра, Аџьынџьтәылатә еибашьра аветеранцәа, ауаажәларра рхаҭарнакцәа.

АҞӘА, хәажәкыра 16 - Sputnik, Бадраҟ Аҩӡба. Аԥсны Аџьынџьтәылатә еибашьраан Марттәи ажәылараҿы иҭахаз аԥсуа еибашьцәа ргәаладыршәеит Аҟәа, хәажәкыра 16 рзы. 

Мемориальные доски погибшим в Мартовском наступлении Руслану Шинкуба, Джамбулу Зарандия, добровольцу из Сирии Джаркасу Гасану и добровольцам из Кабардино-Балкарии Аслану Ажгериеву и Валерию Берхамову - Sputnik Аҧсны
"Шьараҭын" аибашьцәа рыхьӡынҵақәа Гәымсҭа ацҳаҿы иқәдыргылеит

Шьыжьы инаркны Ахьӡ-аԥша абаҳчаҟны игылоу амемориал иаҭаауеит ажәлар ашәҭшьыҵәрақәа рыманы. Урҭ рхыԥхьаӡараҿы иҟоуп Аԥсны аиҳабыра, аибашьра аветеранцәа, иҭахаз аҵеицәа рыуацәеи рҭынхацәеи, ауаажәларра рхаҭарнакцәа. 

Геннади Арӡынба Марттәи ажәылара иалахәыз дыруаӡәкуп, аибашьра ашьҭахь Леон иорден ианашьан.

"Ҳҩызцәа, ҳақәлацәа иҳацәцаз рацәоуп, урҭ ргәаларшәара цәгьоуп. Ажәылараан ҳаиҵазырхаз иаҳзымааз ҳаибашьцәа роуп. Ҳацәгьаӡамызт, ԥыҭк ҳнаскьеит, аха иамуит", - иҳәеит аибашьра аветеран.

Геннади Арӡынба Замостианкатәи (Гәдоуҭа араионқәа руак - аред.) абаталион даланы деибашьуан.

"Гәымсҭа аӡиас ҳарит, аха уи ашьҭахь аӷа имацәаз ҳҭаикит. Ҩымш убра ҳтәан, уа ҳахьынӡаҟаз акгьы ҳмаахеит, шьҭахьҟа ҳанхьаҵуаз ауп ҳаҷкәынцәа ԥыҭҩык ҳцәыӡит, ԥыҭҩык анышә иаҳҭеит", - ҳәа игәалашәарақәа ҳацеиҩишеит аветеран.

Марттәи ажәылараан Геннади Арӡынба ишьапы рхәит, Гәымсҭа аӡиас дырызгаз иҩыза Роман Барцыц иоуп.

1993 шықәса март 15 рзы аԥсуа еибашьцәа Гәымсҭа аӡиас ирны Аҟәа ахақәиҭтәразы идәықәлеит, аха ажәылара еиҵахеит. Ацәыӡ дуқәа рыманы март 17-18 рзы аԥсуа архәҭақәа шьҭахьҟа ихьаҵыр акәхеит. Марттәи ажәылараан иҭахеит 222-ҩык аԥсуа еибашьцәа.

 

Ажәабжьқәа зегьы
0