"2011 шықәса раахыс Жәларбжьаратәи аолимпиатә еилакы алахәылацәеи ҳареи ашәҟәы нап аҵаҩразы изныкымкәа аҽазышәарақәа ҳаман. Аҳәынҭқаррақәа жәпакы рахь ҳцеит, имаҷымкәа аусурақәа мҩаԥаҳгеит, аха амакьана урҭ лҵшәадан. Ҳахьнеилак, аурысцәеи шәареи иаҵашәыҩхьома ҳәа иҵаауан. Аурысцәа дара рхатә уадаҩрақәа рыман аҟнытә, ари азҵаара иахыго иааргон. Шьамтәылеи ҳареи иаҵааҩыртә еиԥш аҭагылазаашьа анҳау, ҿаҳамҭӡеит, ҳгәылацәа ишырҟазшьоу еиԥш, аус ԥырхага арымҭарцаз. Ари даара акыр зҵазкуа шәҟәуп, избанзар Шьамтәыла Жәларбжьаратәи акомитет иалалеижьҭеи акрааҵуеит, аҭоурых ду амоуп, алахәылацәа рҿы ҳаҭыр ду ақәуп. Аиқәшаҳаҭра акраҵанакуеит, ҳагәҭакы хада, Жәларбжьаратәи акомитет алалара, анагӡаразы", - ҳәа азгәеиҭеит Аршба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
