Микрофон  - Sputnik Аҧсны
Арадио

Џьынџьалԥҳа: апроект "Аамҭақәа реимадара" аҿиара аиуроуп

© Sputnik / Томас ТхайцукМактина Џьынџьалԥҳа
Мактина Џьынџьалԥҳа  - Sputnik Аҧсны
Анапаҵаҩра
НовостиTelegram
Тҟәарчал ауахәама аргылара финансла аиқәыршәаразы еиҿкаауп иҷыдоу апроект. Уи аҳәаақәа ирҭагӡаны, хымз рыла ессабша Тҟәарчал иқәынхо ауааԥсыра рзы еиҿкаахоит аекскурсиақәа, абри атәы лҳәеит арадио Sputnik Аԥсны аинтервиу азҭаз агәыҳалалратә фонд Ашана анапхгаҩы Мактина Џьынџьалԥҳа.
Џьынџьалԥҳа "Аамҭақәа реимадара" иазкны: аҿиара аиуп ҳәа ҳгәыӷуеит

"Агәыҳалалратә проект "Аамҭақәа реимадара" аусура хацнаркит. Ари апроект хықәкыс иамоуп Тҟәарчали Тҟәарчал араиони иқәынхо ахәыҷқәа еиуеиԥшым аҭыԥ ԥшӡақәа рҭаара, урҭ рҭоурых рзеиҭаҳәара. Абас еиԥш аидеиа анҳау, атурфирма "Аԥсуа-тур" адгылара ҳарҭеит, Тҟәарчалтәи актәи абжьаратә школ аҵаҩцәа рзы имҩаԥган раԥхьатәи аныҟәара. Ахәыҷқәа аҭааит Афон ҿыц, дара дрыцын ақалақь аҭоурыхтә баҟақәа ртәы рзеиҭазҳәоз ауаҩы. Ахәыҷқәа ражәақәа рыла, аҳаԥы даара иргәаԥхеит. Рҭаацәа ауахәама аргыларазы рхатәы лагала ҟарҵеит, дара шәкы-шәкы мааҭ еизганы, "Ашана" иахырыԥхьаӡалеит. Зыӡбахә ҳәоу апроект хымз инарзынаԥшуа ицалоит, ари аамҭа иалагӡаны ессабша тҟәарчалаа рзы имҩаԥгахоит аныҟәарақәа. Макьана ҳалагеит Тҟәарчал ала, аха анаҩс ари апроект иҵегьы аҿиара аиуп ҳәа сгәы иаанагоит", - азгәалҭеит Џьынџьалԥҳа.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.   

Ажәабжьқәа зегьы
0