Микрофон  - Sputnik Аҧсны
Арадио

Кәарҷиа: "Аҿар рыбжьы" ҳтәылаҿы аҟазара аҿиаразы ицхыраагӡоуп

© Sputnik / Томас ТхайцукНури Кварчия
Нури Кварчия - Sputnik Аҧсны
Анапаҵаҩра
НовостиTelegram
Иван Кортуа ихьӡ зху Жәлар рырҿиара ареспубликатә центр аиҳабы Нури Кәарҷиа арадио Sputnik Аԥсны аефир аҿы еиҭеиҳәеит ашәаҳаратә еицлабра "Аҿар рыбжьы" аԥҟара хада атәы.
Кәарҷиа: "Аҿар рыбжьы" ҳтәылаҿы аҟазара аҿиара иацхыраагӡоуп

"Жәаа шықәса ҵуеит Аԥсны инеиԥынкыланы имҩаԥысуеижьҭеи аестрадатә конкурс "Аҿар рыбжьы". Хықәкыс иамоу: аҿар жәлар рашәа адагьы, аестрадатә шәа анагӡара зҭаху, зхы ԥызшәарц зҭаху зегьы алшара рыҭара ауп. Убри аан ҳкомпозиторцәа ашәақәа раԥҵаразы аҭагылазаашьа роуеит, ирыҩуа назыгӡо даныҟалалак, даргьы аҩразы агәаҳәара роуеит. Арзаҳал алызҵо зегьы раԥхьа ҳарзыӡырҩуеит, заа игәаҳҭоит ирылшо, ашәа шырҳәо.  Ахәыҷқәа ԥшь-гәыԥкны иаҳшеит, аиҵбацәа ирхыҵуеит фышықәса, зегьы реиҳа еиҳабу ҩажәашықәса. Аицлабра далахәхар ҟалоит дарбанзаалакгьы, аха убри аан ҳаԥҟарра хада- аԥсуа шәа анагӡара, ихымԥадатәиу акәны иҟоуп", - ҳәа азгәеиҭеит Кәарҷиа.    

Хәажәкыра 21, 22, асааҭ 18:00 рзы Аԥснытәи аҳәынҭқарратә филармониаҿы имҩаԥысуеит ашәаҳәаратә еицлабра "Аҿар рыбжьы" аконцерт. Аҩналара 100-200 мааҭ иаԥсоуп.  

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

 

Ажәабжьқәа зегьы
0