"Ачемпионат алахәылацәа зегьы шан ҩ-гәыԥкны: ашкол иҭоуи ашкол иалгахьоуи ҳәа. Ахәыҷқәа рыбжьара 60-ҩык рҟынӡа араионқәа зегьы рҟынтә, Гал ада, аспортсменцәа рхы аладырхәит. Апауерлифтинги атлетика хьанҭеи аиԥшымзаара рымоуп. Апауерлифтинг аҿы х-ҽазыҟаҵарак ыҟоуп: уианы аштанга ашьҭыхра, утәаны агылара, ушьамхы иҩахыганы ианышьҭауҵо. Иаҳа иаҳа иацлоит ари спортхкахь инеиуа ауаа. Уамашәа иубаша, аԥсуа ҭыԥҳацәагьы ҳамоуп. Сара скоманда далахәуп ԥшьҩык ахәыҷқәа ран, лара илҭахны, лыԥшәма дақәшаҳаҭны даҿуп. Дыҟоуп Хатуна Шьоууаԥҳагьы, лара Аҟәа дынхоит, хышықәса ҵуеит апауерлифтинг азы лҽазыҟалҵоижьҭеи, иахьагьы абсолиуттә чемпион ҳәа аҭыԥҳаҵәа рыбжьара ахьыӡ даԥсахеит. Ари аспорт хкахь ихьшәаны унеиргьы алшоит. Иуҭахны уаҿызар, алҵшәагьы уоурауеит", - азгәеиҭеит Џьыкырба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
