АҞӘА, хәажәкыра 28 - Sputnik. Даӷьысҭан даанкылоуп Москва, аметро аангыларҭақәа "Лубянка", "Парк культуры" рҿы атеррористтә акт мҩаԥызгаз "бандгруппа Вагабова" ҳәа захьӡыз ацәгьоуцәа ргәыԥ алахәыла. Абри атәы аанацҳауеит РИА Новости.
Иаанкылоу ацәгьауҩы Москваҟа днагоуп ԥхьаҟатәи аусҭҵаарақәа рымҩаԥгаразы ҳәа аҳәоит адырраҭараҿы.
2010 шықәса, хәажәкырамзазы Москва, аметро аангыларҭақәа "Лубянка", "Парк культуры" рҿы аамҭала сааҭк инеиҵаны ирыбжьаны ҩ-ԥжәарак ҟалеит. Аҭыԥ аҿы иҭахеит 36-ҩык ауааԥсыра: 24-ҩык аметро аангыларҭа "Лубянка" аҿы, 12-ҩык аметро аангыларҭа "Парк культуры" аҿы.
Аамҭақәак рышьҭахь ахәышәтәырҭаҿы рыԥсҭазаара иалҵит аҽа ԥшьҩык ауаа.
Атеракт мҩаԥган Магомедали Вагабов инапхгарала ҳәа ишьақәдырӷәӷәеит амаҵзура ҷыдақәа.
