Захарова: Вашингтон Венесуела аилажьра иаҿуп

© Sputnik / Эва Мари Ускатеги / Амедиаҵәахырҭахь аиасраЗахарова: Вашингтон Венесуела аилажьра иаҿуп
Захарова: Вашингтон Венесуела аилажьра иаҿуп - Sputnik Аҧсны
Анапаҵаҩра
Вашингтон идырны Венесуела аҭагылазаашьа ҵнашәаауеит ҳәа агәаанагара лымоуп Урыстәыла Адәныҟатәи аусқәа рминистрра ахаҭарнак.

АҞӘА, хәаәкыра 28 - Sputnik. Урыстәыла Адәныҟатәи аусқәа рминистрра аофициалтә хаҭарнак Мариа Захарова Вашингтон ахара адылҵоит Венесуела иҟоу аҭагылазаашьазы ҳәа аанацҳауеит РИА Новости.

"Ҳара иаабоит шьаҿа-шьаҿала аҭагылазаашьа арӷыӷкра ишаҿу, еиуеиԥшым ахырхарҭақәа рахь асанкциақәа шаларгало, ауаажәларра реиҟәшара ишаҿу, адиверсиақәа аҭыԥ шрымоу, аиҳаракгьы атәыла аенергосистема аганахь ала", - ҳәа лҳәеит хәажәкыра 28 рзы имҩаԥылгаз абрифинг аҿы Захарова, иагьазгәалҭеит иҟоу аҭагылазаашьаҿы иаиааиуа дшыҟамло.

Венесуелатәи аоппозиционер Хуан Гуаидо - Sputnik Аҧсны
Гуаидо аҳәамҭа ҟаиҵеит Венесуела амчра аԥсахра Урыстәылазы ифеидоуп ҳәа

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент ахада Хуан Гуаидо ажьырныҳәа 23 рзы атәыла ахадас ихы рылеиҳәеит.

Усҟан Гуаидо истатус адгылара арҭеит: ЕАА, Канада, Аргентина, Бразилиа, Чили, Колумбиа, Коста-Рика, Гватемала, Гондурас, Панама, Парагваи, Перу, Қырҭтәыла.

Урыстәыла Мадуро адгылара инаҭоит аконституциатә шьаҭа зманы иҟоу атәыла ахадак иҳасаб ала.

Европатәи атәылақәа зеижә: Испаниа, Португалиа, Германиа, Великобританиа, Даниа, Нидерланды, Франциа, Венгриа, Австриа, Финлиандиа, Бельгиа, Лиуксембург, Чехиа, Латвиа, Литва, Естониа, Польша, Швециа, Хорватиа, Македониа, Румыниа - жәабран 4 рзы рнапы еицаҵарҩит адекларациа, уа иазгәарҭеит Хуан Гуаидо аамҭалатәи Венесуела ахада ҳәа дшазхарҵо азы.

 

Ажәабжьқәа зегьы
0