Загребтәи алабораториаҿы аԥсуа еибашьцәа рхаҭарақәа шьақәдыргылеит

© Sputnik / Томас ТхайцукВозложение цветов в Парке славы
Возложение цветов в Парке славы - Sputnik Аҧсны
Анапаҵаҩра
НовостиTelegram
Аԥсны Афырхаҵа Аҳмед Ҳамитови "Агәымшәараз" амедал занашьо Рауль Ҵәыџьбеи наӡаӡа абзиараз ҳәа раҳәара ацеремониа мҩаԥгахоит хәажәкыра 30, асааҭ 10:00 рзы Аҟәа, Ахьӡ-аԥша апарк аҿы.

АҞӘА, хәажәкыра 29 - Sputnik. Загребтәи алабораториаҿы аԥсуа еибашьцәа – Аԥсны Афырхаҵа Аҳмед Ҳамитови "Агәымшәараз" амедал занашьо Рауль Ҵәыџьбеи рхаҭарақәа шьақәдыргылеит ҳәа аанацҳауеит Аԥсны Аминистрцәа реилазаара апресс-маҵзураҿы.

Акомиссиа адыррақәа рыла Аҳмед Ҳамитов Аԥсныҟа еибашьра ҳәа дааит Чечентәылантәи. Абаталион "Горец" далахәын. Дҭахеит Ахҩиук ашьхаҿы адесант артәараан, 1993 шықәса рзы. 1994 шықәса рзы Аԥсны ахада Владислав Арӡынба иусԥҟала "Аԥсны Афырхаҵа" ҳәа ахьӡ ҳарак ихҵан.

Парк Сказка - Sputnik Аҧсны
Аџьар Ҟаԥшь аусзуҩцәа аԥшаарақәа ирыцырҵоит

Рауль Ҵәыџьба абаталион "Ԥақәашь" далахәны Мрагыларатәи афронт аҿы деибашьуан. Марыхәтәи акаҵәараҿы аверталиот акаҳараан дҭахеит. Данҭаха ашьҭахь "Агәымшәараз" амедал ианашьоуп.

Загребтәи (Хорватиа) алабораториаҿы аԥсуа еибашьцәа рхаҭарақәа шьақәдыргылеит.

Аԥсны Афырхаҵа Аҳмед Ҳамитови "Агәымшәараз" амедал занашьо Рауль Ҵәыџьбеи наӡаӡа абзиараз ҳәа раҳәара ацеремониа мҩаԥгахоит хәажәкыра 30, асааҭ 10:00 рзы Аҟәа, Ахьӡ-аԥша апарк аҿы.

Рауль Ҵәыџьба иԥсыбаҩ анышә иамардоит Очамчыра араион Ԥақәашь ақыҭан.

Аҳмед Ҳамитов иԥсыбаҩ анышә иамардоит Чечентәи ареспубликаҿы, дахьиз аул аҿы.

 

Ажәабжьқәа зегьы
0