АҞӘА, мшаԥы 1 - Sputnik. Москва, Санкт-Петербург, Новосибирск, Екатеринбург, Краснодар аҳәаанырцәаа еиҳа ирҭахны изҭаауа қалақьқәаны ишьақәыргылоуп авиабилеҭқәа рыҭиразы асервис Aviasales имҩаԥнагаз аҭҵаарақәа рыла.
РИА Новости ишаанацҳауа ала, сынтәатәи ашықәс актәи аԥшьбарак ииасыз ашықәс абри аамҭа иаҿурԥшуазар, аҳәаанырцәынтәи Урыстәылаҟа аара зҭаху рхыԥхьаӡара хынтә иазҳаит.
Еиҳаракгьы абилеҭқәа заанаҵы иҿарҵоит Ермантәыла, Ҭырқәтәыла, Азербаиџьан, Израиль, Ҟазахсҭан рыуаажәлар.
Иара убасгьы иазгәаҭоуп Бразилиа, Бангладеш, Куба, Еквадор рҟынтәигьы заанаҵтәи абилеҭқәа рҿаҵара.
Урыстәылауаа еиҳа аԥсшьара ахьырҭаху атәылақәа хәба ирылоуп Аԥсны>>
