Ҳашԥҳа "Динамо" Шәача рықәгыларазы: ахәыҷқәа есыҽны аиааира анырго, ибжьнахуеит
"Ааԥынтәи ахәмаррақәа мҩаԥысуан хәажәкыра 23 инаркны 30 рҟынӡа. Ҳкоманда шьақәгылан ҩ-гәыԥк рыла: 2008 шықәса рзы ииз ахәыҷқәеи 2009 шықәса рзы иизи. Агәыԥ аҟнытә иҳалшеит актәи аҭыԥ аанкыланы алҵра, аха нас хәыҷык ицәгьахеит ахәмарра, акомандақәа даара иӷәӷәан. 26 команда ахьыҟоу ахәбатәи, аԥшьбатәи аҭыԥқәа раанкылара - уи лҵшәа бзиоуп ҳәа исыԥхьаӡоит. Ахәыҷқәа есыҽны аиааира анырго, ибжьнахуеит, уажәтәи аҭыԥ иааныркылаз иднарбоит иҵегьы иеиӷьны аҽазыҟаҵара шаҭаху", - азгәалҭеит Ҳашԥҳа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
