"Афон" ачемпионат атурниртә таблицаҿы ахԥатәи аҭыԥ аанакылеит

© Sputnik / Томас ТхайцукВратарь ФК "Афон" Шамиль Тарба
Вратарь ФК Афон Шамиль Тарба  - Sputnik Аҧсны
Анапаҵаҩра
НовостиTelegram
Ашьапылампыл азы Аԥсны ачемпионат ажәабатәи атур аҳәаақәа ирҭагӡаны мшаԥы 1 азы Гәдоуҭатәи астадион аҿы имҩаԥысуан ашьапылампылтә клубқәа "Афони" "Риҵеи" рыхәмарра.

АҞӘА, мшаԥы 2 – Sputnik, Бадри Есиава. "Афон" амбахьчаҩ Шамил Ҭарба гәдоуҭатәи акоманда "Риҵа" амба иҭаиршәыз ампыл ала икоманда ԥхьаҟа игеит, ҳәа иҳәеит ахәмарра аӡбаҩ ицхырааҩ Дмитри Жуков.

Гагра - Нарҭ  - Sputnik Аҧсны
"Гагра" аҟәатәи "Нарҭ" иаиааит ашьапылампыл азы ачемпионат ажәбатәи атур аҿы

"Атаим анҵәамҭазы 2:1 ҳәа "Риҵа" аԥыжәара аман. 90-тәи аминуҭ азы аӡбаҩ аҽа хә-минуҭк ациҵеит. Акоманда "Афон" ахәмарыҩцәа гәдоуҭаа ахараԥсатә цәаҳәахьы (штрафнаџ зона- аред.) еихеит. Амбахьчаҩ Ҭарба Шамил хыла дзысыз ампыл акомандақәа рыҩбагь еиҟаранатәит", - ҳәа еиҭеиҳәоит Жуков .

Абри ампыл иалнаршеит "Афон" ачемпионат атурниртә таблицаҿы ахԥатәи аҭыԥ аанкылара. Амш ацәгьара иаруадаҩуан ашьапылампыласыҩцәа рыхәмарра.

"Ақәа ауан. Аҳәынҵәа ықәын. Актәи ампыл ҭаиршәит "Риҵа" ахәмарыҩ Асҭамыр Ҭарба, аҩбатәи ампыл – Сослан Гочуа. Афонаа рымпыл ҭаиршәит Андреас Асланӡиа", - иҳәеит Жуков.

Ахәмарра хыркәшахеит 2:2 ҳәа.

 

Ажәабжьқәа зегьы
0