Микрофон  - Sputnik Аҧсны
Арадио

Ахба: аҳәынҭқарреи абизнеси рҭахрақәа еиқәшәаны атуристтә усхк иазнеилатәуп

© Sputnik / Томас ТхайцукАсҭамыр Ахба
Асҭамыр Ахба - Sputnik Аҧсны
Анапаҵаҩра
НовостиTelegram
Аԥсны асасааирҭақәа ргильдиа ахада ҿыц Асҭамыр Ахба арадио Sputnik аҟны еиҭеиҳәеит напхгара зиҭаз аиҿкаараҟны инапы злеикырц игәы иҭоу.
Ахба: аҳәынҭқарреи абизнеси рҭахрақәа еиқәшәаны атуристтә усхк иазнеитәуп

"Азҵаара анаҳаӡбо еснагь иазгәаҳҭалароуп аҳәынҭқарра аинтерес, нас абизнес знапы алакәу ринтерес. Урҭ аҩбагьы еиқәыршәаны еиҿкаатәуп аусқәа. Агильдиа -15 ԥсшьарҭа ҩны рхы ахьеидыркылаз ауп, иҟоуп ирзеиԥшу азҵаарақәа, рҭагылазаашьа хаз-хаз иҭыуҵаауа уалагар ауадаҩрақәа рацәахоит. Иахьа, Аԥсны иҳамаӡам еицаҳзеиԥшу ԥҟарак аԥсшьарҭа ҩны иаҭауаа ауаҩы иарбан аамҭоу данаднакыло, шаҟа рзы дыҩналар акәу. Иаҳҳәап, аԥсшьаҩы аԥара ахыишәааит ауада, аха дыҩнымҵыр ада ԥсыхәа аныҟам, иишәаз аԥара издыргьежьыр шԥахәҭоу. Ус еиԥш аԥҟара ҟалароуп аминистрцәа реилазаара аҟынтә, иҟалоит аминистрра, мамзаргьы аҳәынҭстандарт аҟынтә, абизнесгьы ирҳәароуп ргәаанагара. Уи ҟаҳҵароуп. Иахьазы атуризм аганахьала ҳзықәныҟәо азакәан аԥсшьарҭақәа русура еиҿызкаауа акәӡам, атуроператорцәа рзакәан ауп. Ииашаны азҵаара ықәшәыргылара ауеит шәаныҟаз изыҟашәымҵеи ҳәа (Асҭамыр Ахба 4 шықәса инарзынаԥшуа акурортқәеи атуризми рминистр ихаҭыԥуаҩс дыҟан-аред.), иҟоуп иҟаҳҵазгьы иаҳзыҟамҵазгьы. Ауадаҩрақәа иахьа ицәырҵыз, уаҵәы ицәырҵраны иҟоу ҭҵааны ишәаны-изаны ирызнеитәуп", -  иҳәеит Ахба.

Иара иажәақәа рыла аԥсшьарҭа ҩнқәа реиԥшымзаара азгәаҭатәуп, еихшаны рсиа ҟаҵатәуп.

Шәазыӡырҩы аудио. Иаҳа инеиҵыху аицәажәара шәаҳар шәылшоит арадио Sputnik Аԥсны аефир аҟны.

Ажәабжьқәа зегьы
0