Амҩатә машәыр иахҟьаны ҩыџьа ауаа ҭахеит

© Foto / ОчевидецМесто ДТП
Место ДТП - Sputnik Аҧсны
Анапаҵаҩра
НовостиTelegram
Гәдоуҭа араион, Аацы ақыҭа ааигәара, мшаԥы 3, асааҭ 17:40 рзы амҩатә амшәыр ҟалеит.

АҞӘА, мшаԥы 4 - Sputnik. Гәдоуҭа араион, Аацы ақыҭа ааигәара, мшаԥы 3, асааҭ 17:40 рзы ҩыџьа ауаа ҭахеит ҳәа Sputnik иазаарыцҳаит Аҩныҵҟатәи аусқәа рминистрра апресс- маҵзураҟынтәи.

Автомашьына Toyota Land Cruiser аԥсҟы зкыз ауаҩы аганахьтәи амҩатә цәаҳәахьы диасны иаԥхьаҟа иааиуаз амашьына дасит.

Амашьынақәа рыԥсҟы зкыз аҩыџьеи "Минивэн" апассаџьырцәеи ахәышәтәырҭахь инаган. Ахәышәтәырҭаҿ рыԥсҭазаара иалҵит "Минивэн" аԥсҟы зкызи апассаџьырцәа руаӡәки.

"Ареспубликатә наркологиатә диспансер адыррақәа рыла автомашьына "Toyota Land Cruiser" аԥсҟы зкыз арыжәтә џьбара ыжәны дыҟан", - ҳәа ахҳәаа ҟарҵеит Аҩныҵҟатәи аусқәа рминистрра апресс- маҵзураҿы.

Ажәабжьқәа зегьы
0