АҞӘА, мшаԥы 5 - Sputnik. Москва, 88 шықәса дшырҭагылаз иԥсҭазаара далҵит Георги Данелиа ҳәа аанацҳауеит РИА Новости.
Данелиа диит нанҳәа 25 1930 рзы, Қарҭ. Арежиссиор ихәыҷраамҭа мҩаԥысит Москва.
Георги Данелиа Московатәи архитектуратә институт доушьҭымҭоуп. 1956 шықәса рзы акиностудиа "Мосфильм" аҿы Михаил Калатозов иҟазарҭаҿы Иреиҳау арежиссиортә курсқәа дрылгеит.
1960 шықәса рзы аекранқәа рахь ицәырҵит Карловы Вары аҿы Гран-при занашьахаз идебиуттә усумҭа "Сережа".
Режиссиорк иаҳасаб ала деицырдыруа дҟалеит 1964 шықәса рзы алирикатә комедиа "Я шагаю по Москве" анҭыҵ ашьҭахь.
Данелиа иҭыхымҭақәа иреиуоуп: "Тридцать три", "Не горюй!", "Афоня", "Мимино", "Осенний марафон", "Кин-дза-дза!", "Паспорт", "Настя", "Орел и решка" уҳәа егьырҭгьы.
