Аԥсны имҩаԥысраны иҟоуп "Аҵх амузеи аҟны" захьӡу акциа

© Sputnik / Томас ТхайцукВладислав Арӡынба ихьӡ зху амузеи аҟны акциа "Аҵх амузеи аҟны" амҩаԥысра
Владислав Арӡынба ихьӡ зху амузеи аҟны акциа Аҵх амузеи аҟны амҩаԥысра - Sputnik Аҧсны
Анапаҵаҩра
НовостиTelegram
Адунеи зегь аҟны лаҵарамза 18 рзы иазгәарҭо Жәларбжьаратәи акциа "Аҵх амузеи аҟны" Аԥсны ҩаԥхьа имҩаԥысуеит.

АҞӘА, мшаԥы 6 – Sputnik, Сариа Кәарцхьиаԥҳа. Аԥсуа музеиқәа рҟны ргәы иҭоуп акциа "Аҵх амузеи аҟны" иаҭаауа дыршанхарц лҳәеит Аԥсны Акультуреи аҭоурых-культуратә ҭынха ахьчареи рминистр Ельвира Арсалиа, Sputnik акорреспондент данлыҿцәажәоз.

"Абар уажәшьҭа хәышықәсоуп ҳара акциа "Аҵх амузеи аҟны" мҩаԥаагоижьҭеи. Уи акциа адунеи зегь аҟны иадгыло атәылақәа рацәоуп. Ҳара ҳмузеиқәагьы уи ауха аҭааҩцәа рзы рышәқәа аадыртуеит", – лҳәоит Ельвира Арсалиаԥҳа.

Раԥхьаӡакәны "Аҵх амузеи аҟны" Аԥсны имҩаԥысит 2015 шықәсазы Аҳәынҭқарратә музеи аҟны. Аминистр лажәақәа рыла, адырҩашықәсан рхы аладырхәит Аԥснытәи даҽа ҩ-музеик.

Акция Ночь в музее в Государственном музее в Сухуме - Sputnik Аҧсны
"Аҵх амузеи аҟны" мҩаԥысуеит Аҟәа

"Есышықәса ари акциа амҽхак арҭбаауеит. 2016 шықәсазы уи иадгылеит Аибашьратә фырхаҵара амузеии Гәлиа ихьӡ зху Алитературатә музеии. Сынтәа ари акциа рхы аладырхәырц ажәалагалақәа ҳмузеиқәа зегьы ирзынаҳашьҭит", – лҳәеит акультура аминистр.

"Аҵх амузеи аҟны" – жәларбжьаратәи культуратә акциоуп, уи раԥхьаӡакәны иаԥшьыргеит Франциа 1999 шықәсазы. Ари ауха амузеиқәа жәпакы рахь  анеира хәыда-ԥсадоуп. Аҿар амузеиқәа радԥхьаларазы еиуеиԥшым амузеиқәа ирӡбоит иформалтәым аусмҩаԥгатәқәагьы дырбара. Аԥсны ари аҩыза акциа иадгылеит 2015 шықәсазы Аԥснытәи аҳәынҭқарратә музеи иҟанаҵаз аԥшьгамҭала.

 

Ажәабжьқәа зегьы
0