Таиф Аџьба ихьӡ зху аԥхьахә азы аиндаҭлара ҟалоит

Анапаҵаҩра
НовостиTelegram
Таиф Аџьба ихьӡ зху Аҳәынҭқарратә ԥхьахә аиура алахәхаразы аусурақәа рыдыркылалоит 2019 шықәса ԥхынгәымза 8 рҟынӡа. Иаиааиз далырхуеит бжьыҭира маӡала.

АҞӘА, мшаԥы 10 – Sputnik, Асмаҭ Ҵәыџьԥҳа. Таиф Аџьба ихьӡ зху Аҳәынҭқарратә ԥхьахә аиура алахәхара азин рымоуп 2016, 2018, 2019 шықәсқәа рзы иҭыҵыз ахәыҷқәа ирызку арҿиамҭақәа, абри атәы арадио Sputnik иазеиҭеиҳәеит аиндаҭлара акомиссиа ахантәаҩы Арда Ашәба.

Таиф Аџьба ихьӡ зху Аҳәынҭқарратә ԥхьахә аиура алахәхаразы аусурақәа рыдыркылалоит 2019 шықәса ԥхынгәымза 8 рҟынӡа.

"Ҳәарада аиндаҭлара ду ҟалоит ҳәа ҳаҟоуп. Абри ахырхарҭа знапы алаку ауаа рацәоуп. Жанр-цыԥхьаӡа аусумҭақәа алыркаауеит, аиааира згаг алырхуеит. Акомиссиа бжьыҭира маӡала иаиааиз далырхуеит", - ҳәа еиҭеиҳәоит Ашәба.

2020 шықәса рзы иаиааиз 50-50 нызқьмааҭ роуеит.

Аусумҭақәа акомиссиахь ирыдыркылоит Аҟәа, Лакоба имҩ. 21. Аинформациа цҵа шәоур алшоит абри аҭел ала: +7 (940) 965-91-02;+7 (840) 226-75-40.

 

Ажәабжьқәа зегьы
0