"Аҩымҭа "Қьалашьбеи" аԥсуаа ҳҭоурых мацара акәым, Кавказ зегьы аҭоурых аазырԥшуа аҩымҭақәа ируакуп, убри аҟнытә иаҳҭаххеит аиашьаратә жәларқәа еицаҳзеиԥшу атема шьҭаҳхырц. Уажәы ашәҟәқәа реиқәыршәара ҳаҿуп. Знык Москва ҳцахьеит аҟнытә, иацу акәамаҵамарақәа аадыруеит. Афестиваль ахь ҳцаанӡа ақәыргыламҭа знык ҳахәаԥшцәа идҳарбоит, уи амза 17 рзы акәхоит. Анаҩс, уа ҳаннеилак, асцена ашәагазагақәа инарықәыршәаны аус адааулоит. Ари ҳара ҳзы раԥхьатәи фестивальуп. Иҳамоуп гәыӷрақәак иҟоу аноминациақәа рҟнытә акы ҳаԥсахап ҳәа", - азгәеиҭеит Еныкь.
Афестиваль "Кавказский меловой круг" мҩаԥысраны иҟоуп Маиҟәаԥ, мшаԥы 22 - 28 рзы. Иара раԥхьаӡа акәны имҩаԥысит 2005 шықәса рзы.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҟны.
