"Гагра" ачемпионат аҟны "Динамо" иаԥнагеит

© Foto / Виталий ФедоренкоМатч XIII тура чемпионата Абхазии по футболу межу "Гагрой" и "Динамо"
Матч XIII тура чемпионата Абхазии по футболу межу Гагрой и Динамо  - Sputnik Аҧсны
Анапаҵаҩра
НовостиTelegram
Ашьапылампыл азы Аԥсны ачемпионат XIII атур ахәмарра мҩаԥысуан "Гагреи" "Динамои" рыбжьара. Ахәмарра мҩаԥган Даур Ахвледиани ихьӡ зху гагратәи астадион аҿы.

АҞӘА, мшаԥы 18– Sputnik, Бадраҟ Аҩӡба. Ашьапылампылтә клуб "Гагра" аҟәатәи "Динамо" 2:0 ҳәа иаԥнагеит ашьапылампыл азы Аԥсны ачемпионат XIII атур ахәмарраан ҳәа Sputnik иазеиҭеиҳәеит Аԥсны ашьапылампылтә лига адиректор Витали Федоренко.

Аԥсны ашьапылампыл азы ачемпионат аҿы Афон Самырзаҟан иаиааиит - Sputnik Аҧсны
Аԥсны ашьапылампыл азы ачемпионат аҿы "Афон" "Самырзаҟан" иаиааиит

Ампылқәа амба иҭаршәын ахәмарра алагамҭази анҵәамҭази. Аԥхьатәи ампыл афбатәи аминуҭ азы амба иҭаиршәит Нугзар Ханагәуа, 90-тәи аминуҭ аан ампыл амба иҭаиршәит ахәмарыҩ Леван Ладариа.

"Амш бзиан, ампыл асразы еиқәшәан. Ашьапылампыласыҩцәа ԥырхага рымамызт ахәмарра бзиа аарԥшразы. Аинтерес аҵаны имҩаԥысуан аиԥылара. Акомандақәа рыхәмарра ахәаԥшыҩцәа акыр иргәаԥхон", - ҳәа еиҭеиҳәоит Федоренко.

Ахәмарра ашьҭахь "Гагра" 27 очко аманы аҩбатәи аҭыԥ ннакылеит атурниртә таблицаҿы.

13 тур ирылагӡаны гаграа аиааирақәа 8 ргеит, хынтә еиҭахарыла ихәмарит, ҩынтә иаҵахеит. Иҭадыршәит 28 мпыл, 12 дара рымба иҭашәеит. 13 тур реихшьаалала "Динамо" атурниртә таблица аҵыхәаҿы игылоуп, х-очкок амоуп.

Ашьапылампыл азы Аԥсны ачемпионат иалахәуп: аклубқәа "Нарҭ", "Гагра", "Риҵа" "Афон", "Самырзаҟан", "Динамо".

 

Ажәабжьқәа зегьы
0