Атәылауаҩи аиҳабыреи: Ҷыҭанаа амилаҭтә парк "Кәыдрытәи аиҩхаа" иазкны
"Ԥшьхәҭакны ишоу амилаҭтә парк, аҳәырԥсарраҿы ада, аԥсшьаҩцәа рзы еиҿукаар алшоит анхарҭатә ҭыԥқәа. Аибашьра ҟалаанӡа уа иҟан атуристтә базақәа, хымԥада, урҭ аус дырутәуп. Ари аҭыԥ атуристтә ҟазшьа аманы иҟалоит. Кәлыхәртәи аиҩхаала иҟан Урыстәылеи ҳареи иҳабжьаз аимадара. Нхыҵи аахыҵи еимаздо амҩа Кәыдрытәи аиҩхаала аусура иалагар, аҳәырԥсарра ԥырхага анамҭароуп. Аха сара сгәаанагарала, иара ҟамлар иаҳа еиӷьуп", - азгәеиҭеит Ҷыҭанаа.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.
