Хагәышь: ахәыҷқәа рхатәы бызшәала ицәажәарцаз, аинформациа роуроуп аԥсышәала
"Иҳаҩсыз амчыбжь азы аилацәажәара ҳаман аҳәынҭқарратә бызшәатә политиказы аҳәынҭқарратә еилакы аҿы. Ҳаарыԥхьеит еиуеиԥшым амаҵзурақәа рхаҭарнакцәа, еибаҳҳәеит иаҳҭаху - аԥсшәа ҩнаҭацыԥхьаӡа иҩныҩуазароуп ҳәа. Уи азы ахәыҷқәа аинформациа роузароуп аԥсышәала. Еизаҳгарц ҳҭахуп ахәыҷтәы дырраҭарақәа рсиа, ахәыҷтәы мультфильмқәа, аконцертқәа, ақәыргыламҭақәа уҳәа аԥсышәала иааҭыҵхьоу зегьы. Иаҳдыруазароуп иҳамоу асиа. Ахәыҷы идыруазароуп абри аамҭазы арбагала - аԥсышәала ицәажәо амультик шыҟало, адырраҭара шцо, ақәыргыламҭа ибар шилшо атәы", - ҳәа азгәеиҭеит Хагәышь.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.
