Ақәԥаҩ Кораи Џьенгиз Ацыгәба Германиа дықәгылараны дыҟоуп

© Foto / предоставлено Кораем ДженгизомКораи Џьенгиз Ацыгәба
Кораи Џьенгиз Ацыгәба - Sputnik Аҧсны
Анапаҵаҩра
НовостиTelegram
Еилаԥсоу ақәԥаразы ачемпионат "Hype FC rumble in the cage" мҩаԥысраны иҟоуп Германиа, ақалақь Бремен мшаԥы 27 рзы.

АҞӘА, мшаԥы 26 – Sputnik, Бадри Есиава. Кораи Џьенгиз Ацыгәба Германиа имҩаԥысраны иҟоу еилаԥсоу ақәԥаразы ачемпионат "Hype FC rumble in the cage" аҟны дықәгылоит.

"Сзындаҭло Гассан Абденаби ихьӡуп, Нидерландтәуп. Сара аҽазыҟаҵарақәа хсыркәшеит. Атурнир сазыхиоуп ҳәа сыԥхьаӡоит", - иҳәеит Џьенгиз Ацыгәба.

Иара иҳәеит аринг ахь, еснагь ишыҟаиҵалац еиԥш, Аԥсны аҳәынҭқарратә бираҟ анагара игәы ишҭоу.

Абхазский борец стал чемпионом GMC German MMA Championship  - Sputnik Аҧсны
Аԥсуа қәԥаҩы Џьенгиз Ацыгәба GMC German MMA Championship дачемпионхеит

"Ҳәарада, аԥсуа бираҟ цәырызгоит. Сара ус еснагь иҟасҵоит. Сазыгәдууп", - иҳәеит иара, иагьазгәеиҭеит нанҳәамзазы иҭоурых ԥсадгьыл аҭаара гәҭакыс ишимоу.

Кораи Џьенгиз Ацыгәбеи Гассан Абденаби реиндаҭлара иалагоит асабша, асааҭ 22:00 рзы, Бремен.

MMA ақәԥаҩ Кораи Џьенгиз Ацыгәба - 35 шықәса ихыҵуеит, шьҭрала даԥсыуоуп. 2017 шықәса раахыс MMA аиндаҭларақәа дрылахәуп, 12 қәгылара рҟынтәи фынтә аиааира иоухьеит. Дрылахәын German MMA Championship, Hard Fighting Championship атурнирқәа.

Иаб Озҳан Џьенгиз Ацыгәба акыр шықәса еилаԥсоу ақәԥарақәа рзы итәылаҟны дазыҟаҵаҩын.

 

Ажәабжьқәа зегьы
0