"Иахьатәи аамҭазы аҳәынҭқарратә бызшәазы азакәан амчра аиуит, абри азакәан ала ачынуаа, алхратә усқәа, аусӡбарҭақәа рҟны аума иҳалҳмыршеит аҳәынҭқарратә бызшәа ишахәҭоу идырны ачынмаҵурахьы рнеира. Ҳара иаадыруеит уи гра дуны ишҳамоу. Атәыла ахада ихаҭыԥуаҩ - ари иреиҳау чын маҵоуроуп, убри азы, сгәаанагарала, иҟалоит иахьа алагалақәа ҟахҵар, ахаҭыԥуаагьы аԥышәара иахыслартә еиԥш. Ҳконституциаҿы иануп атәыла ахада даналырхуа, идыруазароуп аҳәынҭқарратә бызшәа, уаҟа дарбан уи ихаҭыԥуаҩ, аха абызшәазы азакәан аҿы иануп ачынуаа рхатәы бызшәа рдыруазар шахәҭоу. Атәыла ахада ихаҭыԥуаҩ изы аԥышәара аҭаразы акәзар, уи алхаратә закәан аҿы иарбазар ҟалоит, уи уԥсахыр ауеит", - азгәеиҭеит Габниа.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.
