Рауль Ҳаџьымба Амшаԥныҳәа азгәазҭо зегьы дрыдныҳәалеит

© Sputnik / Томас ТхайцукАҧсны Аҳәынҭқарра Ахада Рауль Ҳаџьымба
Аҧсны Аҳәынҭқарра Ахада Рауль Ҳаџьымба - Sputnik Аҧсны
Анапаҵаҩра
НовостиTelegram
Ақьырсиан иашахаҵара ныҟәызго ақьырсиануаа иазгәарҭоит Амшаԥныҳәа- Қьырса Ибзахара.

АҞӘА, мшаԥы 28 - Sputnik. Аҧсны Аҳәынҭқарра Ахада Рауль Ҳаџьымба ақьырсиан иашахаҵара ныҟәызго ақьырсиануааи, Амшаҧныҳәа азгәазҭо Аҧсны ауаажәларра зегьы дрыдныҳәалеит. Абри атәы аанацҳауеит Аҳәынҭқарра ахада иофициалтә саит.

"Акыр иаҧсоу ҳауаажәлар! Гәык-ҧсык ала ишәыдысныҳәалоит Ақьырсиан ныҳәа ду - Мшаҧы! Мшаҧы лаша анцәахаҵара зырҕәҕәо, ақьырсиан ҟазшьа бзиақәа рыла ауаа еидызкыло ныҳәоуп. Анцәа иныҳәаҧхьыӡ ҳадгьыл иагымзааит, иҟалааит ҳҳәынҭқарраҟны доуҳала аиҭеира, аиҭаҿиара", - аҳәоит адныҳәалараҿы.

Аҳәынҭқарра ахада иҧшьоу абри амш аҽны аԥсуа жәлар ирзеиӷьеишьеит агәабзиара, ахирра, шьардаамҭа насыҧла аҟазаара.

Ажәабжьқәа зегьы
0