Голанӡиа: ирацәаҩуп аҭыԥҳацәа рахьынтә арра зхызгар зҭаху
"Аибашьраан ҳаҳәшьцәа ҳавагылан еибашьызар, ҳрыхьчазар, аиҿахысраан ҳалган ҳаргазар, арратә маҵзурагьы иахысыргьы ҟалон. Иахьа аӡәырҩы неины аҳәара ҟарҵоит аррахь ҳаргааит ҳәа, ҳаԥсадгьыл амаҵ азаҳур ҳҭахуп ҳәа зҳәо ыҟоуп. Уи бзиан иҟаҵазар, избанзар, аӡәык ҩыџьак ҳхацәоуп ҳәа зхы зыԥхьаӡогьы арԥхашьар ҟаларын. Аибашьраан, исгәалашәоит, Кәтолаа рыҷкәынцәа ҳкомандирцәа ҩагылан, ус рҳәеит, ӡӷабк командирс дҟаҳҵароуп, ҳқыҭа ҳцәеилабгар ҳәа ҳшәоит ҳәа. Усҟан Кама Лашәриаԥҳа, Аԥсны афырхаҵа ҳәа ахьӡ зху, инеины ианлыдгыла, еиҳабыс бахагыл ҳәа, "ара сыҟами, шәаҳәшьа соуп, сагьхаҵоуп, сагьԥҳәысуп" ҳәа дангыла, ахьаҵра зҭаххаз аҷкәынцәа аангылеит", - азгәеиҭеит Голанӡиа.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.
