Аҳауагәаҭаҩ Ахԥҳа еиҭалҳәеит лаҵарамзазы амшқәа зеиԥшрахоу
"Шықәсырацәалатәи азгәаҭарақәа рыла лаҵарамзазы аҳауа зеиԥшрахо атәы ҳҳәозар- аҽеиҭанамкӡеит. Ладантәи ахьшәашәара быжьҟьаны иааилоит, ҩадантәи- аԥхара, урҭ реиҿагылара амш еиҭанаклоит. Бжьаратәла +16 +18 градус рҟынӡа аԥхара ҟалоит, аха амшынӡыҟәандара мшаԥымза иашьашәалоу арбагақәа рҿы иҟоуп. Раԥхьатәи амчыбжьқәа рзы амшқәа цәгьахоит, аха анаҩс иаабаратәы аԥхара ааиуеит, уигьы лассаамҭа иҟалом. Амза 15 ашьҭахь амш иаҳа иҭышәынтәалахоит, +27 градус рҟынӡа аԥхара ҟалоит", - ҳәа азгәалҭеит Ахԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
