Мираб Кьышьмариа Александр Невски иорден ианаршьеит

© Foto / Пресс-служба кабинета министровМираб Кьышьмариа Александр Невски иорден ианаршьеит
Мираб Кьышьмариа Александр Невски иорден ианаршьеит - Sputnik Аҧсны
Анапаҵаҩра
Александр Невски иорден ранаршьоит ауаажәларратәи аполитикатәи усзуҩцәа ганрацәалатәи аусеицура- рылшамҭақәа рзы.

АҞӘА, лаҵара 8 - Sputnik, Асмаҭ Ҵәыџьԥҳа. Аԥсны иҟоу Урыстәыла Ацҳаражәҳәаҩ Алексеи Двинианин Аԥсны атәылахьчара аминистр Мираб Кьышьмариа Александр Невски иорден ианеишьеит Аԥсныи Урыстәылеи ганрацәалатәи русеицураҿы илагалазы.

Мираб Кьышьмариа аорден иҭаразы Аусшәҟәы инапы аҵеиҩит Урыстәыла ахада Владимир Путин.

"Урыстәылатәи афедерациеи Аԥсны Аҳәынҭқарреи реиҳабыра, Урыстәыла Ацҳаражәҳәарҭа иҭабуп ҳәа расҳәар сҭахуп исаҭәашьоу аҳамҭазы. Ари сара сымацара исҳамҭам, исывагылоу зегь рзы иҳамҭоуп. Ари рыбзоуроуп Аԥсадгьыл зхы ақәызҵаз, иахьа аԥсадгьыл ахьчараз игыло. Ԥхьаҟагьы ҳреспублика ашәарҭадара аиҿкааразы иҳалшо зегь ҟаҳҵалоит", - ҳәа иҳәеит Кьышьмариа.

Александр Невски иорден – Урыстәыла ҳәынҭқарратә ҳамҭоуп. Урыстәыла атәылауаа реиԥш иранаршьоит аҳәаанырцәтәи ауаажәларратәи аполитикатәи усзуҩцәа ганрацәалатәи аусеицура рҟны рылшамҭақәа рзы.

Аорден аԥҵан Екатерина I лхаан, 1725 шықәса рзы, усҟан арратәи аграждантәи хаҿқәа иранаршьон.

Ажәабжьқәа зегьы
0