АҞӘА, лаҵара 19 — Sputnik. Жәларбжьаратәи ашәаҳәаратә еиндаҭлара Евровидение-2019 аҟны аиааира игеит Нидерландқәа рхаҭарнак Дункан Лоуренс (ашәа Arcade) ҳәа аанацҳауеит РИА Новости.
Лоуренс ажиурии ахәаԥшцәеи рыбжьыҭира иалҵшәаны 492 балл иоуит. Аҩбатәи аҭыԥ игеит италиатәи ашәаҳәаҩ Mahmood - ашәа Soldi (465 балл), Сергеи Лазарев 369 балл иоуит, ахԥатәи аҭыԥ ааникылеит.
"Сара иахьа ара сыҟазаара гәадура дуӡӡоуп. Насыԥ сыманы схы збоит", - иҳәеит Лоуренс ажурналистцәа дрыҿцәажәо.
Ашәаҳәаҩ Сергеи Лазарев дазааҭгылеит "Евровидение" аҿы Урыстәыла аԥыжәара аиура ишаԥырхагахалац ишаԥырхагахаз.
"Аполитика аус ари аҩыза аиндаҭлара иалаҟьашьымхароуп", - иҳәеит Лазарев, ажурналистцәа дрыҿцәажәо.
Иара убри аан иазгәеиҭеит ахәаԥшыҩцәа даара ибзианы дышрыдыркылаз.
Акомпозициа Scream назыгӡоз урыстәылатәи ашәаҳәаҩ Евровидение афиналбжаҿы иқәгылара Youtube-каналқәа рҿы зегь раасҭа ахәаԥшыҩцәа аман. Ҩымш рыла аролик иахәаԥшын 4,2 миллионынтә.
Аиндаҭлара афинал мҩаԥысит Тель-Авив. Еиндаҭлон 26 тәыла рхаҭарнакцәа.
