Бжьаниаԥҳа еиҭалҳәеит Москва иӡыргаз Аԥсны аҭоурыхтә шәҟәқәа ртәы
"Ицәыргақәҵан ҩ-хсаалак, Аԥсны атуризм иадҳәалоу актәи ашәҟәқәа реизга, дара зегьы актуалра рымоуп. Уи азкуп асовет аамҭазы ирдыруаз атуристтә маршрутқәа, аҭоурыхтә обиектқәа уҳәа атуризм иадҳәалоу зегьы. Аҩбатәи ашәҟәы адҳәалоуп Аԥсны ареволиуциа анышьақәгылоз имҩаԥысуаз ахҭысқәа, ицәыргақәҵоу архивтә материалқәа актуалра рымоуп Аԥсны аҭоурых аҭҵааразы, ахаратә актқәа уҳәа ареволиуциа атемала ашәҟәқәа. Ас еиԥш иҟоу аматериалқәа Аԥсны иҳамаӡам. Хымԥада, дара Аԥсны аҭоурыхтә документалтә ҭынха ахьчаразы, аҭҵаарадырразы, акраҵанакуеит", - ҳәа азгәалҭеит Бжьаниаԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
