АҞӘА, лаҵара 30 – Sputnik, Бадраҟ Аҩӡба. Аԥсуа боксиор Баҭал Чежьиа рашәара 29 рзы Адунеизегьтәи абоксиортә еиҿкаара (WBO) аверсиала аҿар рыбжьара адунеи ачемпион ҳәа ахьӡ аԥсахараз ақәгылара мҩаԥигараны дыҟоуп.
Баҭал Чежьиа диндаҭлоит Сербиатәи аспортсмен Владимир Белужски.
"Москва аҽазыҟаҵарақәа сырҿуп. Рашәара 22 рзы Англиаҟа ҳцоит, аҳауа снааларц, сашьцыларц. Рашәара 28 рзы акапанра ҳахысуеит. Ақәгыларақәа мҩаԥыргоит 76 кьыла иҟоу рыбжьара", - иҳәоит Чежьиа.
Баҭал Чежьиа дызцықәгыло апрофессионалтә ринг аҿы фынтә диааихьеит, ҩынтә даҵахахьеит, знык деиҭахеит.
"Ф-иааирак рҟынтәи хәба заанаҵы даиааиит. Уажәы иара Ирландиа иҽазыҟаиҵоит", - иҳәеит абоксиор.
Баҭал Чежьиа ҩаԥхьа аиааира игеит
Апрофессионалтә боксиорцәа рыбжьара Баҭал Чежьиа 250-тәи аҭыԥ никылоит. Урыстәыла – иреиӷьқәоу жәаҩык дреиуоуп.
Иара жәынтәы дықәгылахьеит. Ажәынтәгьы аиааира игеит.
