АҞӘА, лаҵара 30 - Sputnik. Владимир Зеленски Украина ахадас иалхра Донбасс аҭагылазаашьа акала иамыхәеит, иҳәеит Лугансктәи Жәлар рреспублика амилаҭ милициа апресс-маҵзура аофицер Иван Филипоненко.
"Зеленски иааира аҭагылазаашьа еиҭанамкит. Украинатәи амчуаа арратә техника еиҳа-еиҳа Донбасс иадыргалоит", - иҳәеит Филипоненко.
Уи адагьы иара иазгәеиҭеит амилаҭтә милициа ринформациала украинатәи амчуаа аҭынч уааԥсыра рыҩнқәа шааныркыло, аиланхарҭақәа рҿы рҭыԥқәа шааныркыло.
Украина ААК мшаԥы 30 рзы официалла алаҳәара ҟанаҵеит Зеленски дшаиааиз азы. Алхрақәа аҩбатәи ртур аҿы иара изы рыбжьы рҭиит 73,22% алхыҩцәа.
