Аԥснытәи аӡбаҩцәа рырҳамҭақәеи рмазареи рзы адыррақәа кьыԥхьуп

© Sputnik / Томас ТхайцукИреиҳаӡоу аӡбарҭа
Иреиҳаӡоу аӡбарҭа - Sputnik Аҧсны
Анапаҵаҩра
НовостиTelegram
"Аԥсны Аҳәынҭқарра аӡбаҩцәа рырҳамҭақәеи, рмазареи, амазаратә ҟазшьа змоу рхыдҵақәеи адекларациа рзуразы" Азакәан амч аиуит ажьырныҳәа 1, 2019 шықәсазы.

АҞӘА, рашәара 1 — Sputnik. Иреиҳаӡоу аӡбарҭа ицәырнагеит аӡбаҩцәеи урҭ рҭаацәеи 2018 шықәсазтәи рырҳамҭақәеи, рмазареи, амазаратә ҟазшьа змоу рхыдҵақәеи.

Презентация новых банкнот Банка России номиналом 200 и 2000 рублей - Sputnik Аҧсны
Аԥсны аӡбаҩцәа рхашәалеи рмазареи адекларациа рзырулароуп

Убас, Аконституциатә ӡбарҭа ахантәаҩы Нури Ҭаниа адекларациа зызуз ишықәстәи рҳамҭа иартәеит миллионки 450 нызқь мааҭи. Уи ихаҭыԥуаҩ Лиудмила Хоџьашвили илырҳауеит миллионки 530 нызқь мааҭи. Рауль Ԥанҭиа - миллионки 130 нызқь мааҭи.

Иреиҳаӡоу аӡбарҭа аӡбаҩцәа рырҳамҭақәа маҷк еиҵоуп. Ахантәаҩы Манана Делԥҳа адекларациа азылуит миллионки 300 нызқь мааҭи иҟоу лырҳамҭа.

Уаанӡа адырра ҟаҵан аԥснытәи аӡбаҩцәа рырҳамҭақәеи рмазареи адекларациа рзыруразы адҵа шрыҭаз. Уи азы азакәан амч аиуит ажьырныҳәа 1, 2019 шықәсазы.

Адекларациа азуразы адҵа аӡбаҩцәа рхаҭақәа рыдагьы, рҭаацәагьы аҵанакуеит: урҭ рыԥшәмацәа, зықәра намӡац рхәыҷқәа. Уахь иаҵанакӡом дара рани раби, зықәра наӡахьоу рхәыҷқәеи.

Коӷониаԥҳа лымҩаду: Габниеи Кәыҵниаԥҳаи аӡбаҩцәа рмазара арзара иазкны>>

Азакәан иаҵанакуеит аӡбаҩцәа зегьы, иарбан ҩаӡаразаалакгьы, иарбан инстанциазаалакгьы ирыҵаркуа.

Аԥсуа закәанԥҵара инақәыршәаны, аус зуа аӡбаҩ ддепутатзар ҟалом, иарбанзаалак аполитикатә партиеи ма ҵысреи далахәымзароуп, анаплакра далакымзароуп, аӡбаҩ имаҵуреи зыхә ршәо даҽа маҵураки еилеимыгӡароуп, арҵаҩратә, аҭҵаарадырратә, алитературатә, даҽа ҟазаратә усураки аламҵакәа.

Ажәабжьқәа зегьы
0