Аԥснытәи аделегациа жәларбжьаратәи аинклиузивтә форум иалахәуп

© Foto / ЗАлина ГубуроваАԥснытәи аделегациа жәларбжьаратәи аинклиузивтә форум иалахәуп
Аԥснытәи аделегациа жәларбжьаратәи аинклиузивтә форум иалахәуп - Sputnik Аҧсны
Анапаҵаҩра
НовостиTelegram
Жәларбжьаратәи аҿартә инклиузивтә ҵаратә форум "Без границ -2019" мҩаԥысуеит Нхыҵ Уаԥстәыла, Тамиск рашәара 1 - 5 рзы.

АҞӘА, рашәара 3 – Sputnik, Асмаҭ Ҵәыџьԥҳа. Аԥснытәи аделегациа Жәларбжьаратәи аҿартә инклиузивтә ҵаратә форум "Без границ -2019" иалахәуп.

Апроект алахәылацәа – зылшара ԥку арԥарацәеи аҭыԥҳацәеи роуп. Хәымш рыҩныҵҟа афорум аиҿкааҩцәа алахәылацәа рзы имҩаԥыргоит атренингқәа, ирԥылоит акультура, аспорт, аполитика аусзуҩцәа.

Аԥсны адәныҟатәи аусқәа рминистрраҿы иаԥҵоу адипломатцәа аҿарацәа рхеилак ахантәаҩы ихаҭыԥуаҩ Викториа Маланиаԥҳа - Sputnik Аҧсны
Арадио
Маланиаԥҳа Петербургтәи аҿартә форум азы: аизыҟазаашьа бзиақәа арҿиоит

Уи адагьы алахәылацәа абизнес-проектҟаҵара атехнологиақәа ддырҵоит. Апрофессионалцәа ирзеиҭарҳәоит агрантқәеи афорумқәеи рылахәхаразы аконцепциақәа аус шрыдулатәу.

Аԥснытәи ахырхарҭарацәатә коллеџь актәи акурс астудентка Иана Ԥлиаԥҳа раԥхьаӡа акәны афорум далахәуп.

"Есыҽны иҿыцу акы аабоит. Ҳара ҳҟынгьы абасеиԥшқәа мҩаԥгалазар даара ибзиан", - лҳәоит лара.

Мышқәак рыҩныҵҟа афорум алахәылацәеи ашоу "Танцы", "Минута славы" рлахәыла Евгени Смирнов иԥылеит, асоциалтә проектҟаҵараз алекциа даԥхьеит "Инклҩзивныҟ клуб добровольцев" ахада Алексеи Транцев, имҩаԥысит аныҳәатә концерт.

"Сара афорум аиҿкаашьа даара исгәаԥхеит", - иҳәеит алахәыла Баҭал Гамгьиа.

Урыстәылазегьтәи жәларбжьаратәи аҿартә инклиузивтә ҵаратә форум "Без границ -2019" мҩаԥысуеит Нхыҵ Уаԥстәыла, Тамиск рашәара 1 - 5 рзы.

Сынтәа иара иалахәын 210-ҩык Санкт-Петербург, Тобольск, Калининградтәи аобласт, Бырзентәыла, Ҟазахстан, Кыргызстан, Аԥсны, Нхыҵ Кавказ, Аахыҵ Уаԥстәыла рҟынтәи.

 

Ажәабжьқәа зегьы
0