АҞӘА, рашәара 4 — Sputnik. YouTube аҿы Netflix аофициалтә каналаҟны икьыԥхьуп Мартин Скорсезе амузыкант Боб Дилана изку адокументалтә фильм атреилер ҳәа аанацҳауеит РИА Новости.
Аексклюзив интервиу, иуникалу архивтә кадрқәа, уаанӡа ицәыргамыз аматериалқәа, Rolling Thunder Revue алахәылацәа Боб Дилана ипродиусер Джефф Розен ирымихыз аинтервиуқәа – абарҭ зегь алалоит Мартин Скорсезе ифильм "Rolling Thunder Revue: A Bob Dylan Story By Martin Scorsese", - ҳәа аанацҳауеит ажурнал Variety.
Rolling Thunder Revue аконцерттә тур мҩаԥысуан 1975 -1976 шықәсқәа рзы. Иара иалахәын усҟантәи аамаҭзы еицырдыруаз ашәаҳәаҩцәа, амузыкантцәа.
"Rolling Thunder Revue: A Bob Dylan Story By Martin Scorsese" аԥхьарбара мҩаԥгахоит рашәара 12 рзы, Netflix аҿы.
