Енри Агрба Аԥсны ахьӡала Напышьашәала аиқәԥаразы Адунеи ачемпионат аҿы дықәгылоит

© Фото : Астамур АриставаАбоксиор Енри Агрба
Абоксиор Енри Агрба - Sputnik Аҧсны
Анапаҵаҩра
НовостиTelegram
FCF-MMA аверсиала Напышьашәала аиқәԥаразы Адунеи ачемпионат мҩаԥысуеит Кисловодск рашәара 22-23 рзы.

АҞӘА, рашәара 7 – Sputnik, Бадри Есиава. Аԥснытәи абоксиор Енри Агрба ҳтәыла ахьӡала дықәгылоит FCF-MMA аверсиала Напышьашәала аиқәԥаразы Адунеи ачемпионат, абри атәы Sputnik акорреспондент изеиҭиеиҳәеит аспортсмен ихаҭа.

"Рашәара 21 рзы ҳҽаҳкапануеит, ақәԥарақәа ирылагоит амза 22 рзы. Уи аҽны акымкәа-ҩбамкәа аиқәԥарақәа мҩаԥызгараны сыҟоуп. Урҭ зегьы рыҟны саиааир, апрофессионалтә спортсменцәа злахәу афинал ахь снеиуеит. Макьана цқьа исыздыруам, шаҟантәы саиааир акәу, аха 3-4 еиқәԥара актәи амш азы имҩаԥызгоит", - иҳәеит Агрба.

Кисловодсктәи атурнир аԥҟарақәа уадаҩуп, азгәеиҭеит аԥсуа спортсмен.

Боксер Энри Агрба и его тренер Астамур Аристава - Sputnik Аҧсны
Аԥснытәи аспортсмен еилаԥсоу ақәԥарахк аҿы аԥыжәара игеит

"Исҿагыланы иқәԥо арбақәан макьана исыздыруам, аха сара сахәаԥшуан Урыстәыла ачемпионат, уи акомандазы иқәгыло здыруазарц азы. Уажәшьҭа инықәырԥшшәа еилыскаауеит аринг аҟны исқәшәар зылшо", - иҳәеит Агрба.

Иара иааиуа иеиқәԥарақәа иҽырзыҟаиҵоит Гагреи Шәачеи ақалақьқәа рыҟны. Уажәы Енри 83 кьыла дыҟоуп, атурнир аҟынӡа 8 кьылак игирхароуп.

Уаанӡа Енри Агрба 2018 шықәсазы FCF-MMA аверсиала Иеилаԥсоу аиқәԥарақәа рзы Адунеи ачемпионат аҟны актәи аҭыԥ ааникылахьан.

Ажәабжьқәа зегьы
0