"Схәыҷны, схы сгәалашәоижьҭеи ақыҭаҟны ҳгәылацәеи саби акарпыжә аадрыхуан, иахьагьы ҳаҿуп. Аалӡга ахықәан ҳанхоит, санмаҷыз ақәа, амра ианаамҭаз иаиуан акарпыжә, аарыхрагьы бзиан. Усҟан иара ажәла иаҳа иҟәазын 20-25 кьыла иҟан акарпыжәқәа, ачымазарақәа аныҟалоз ахәшә ақәҳҭәон, иаразнак ибзиахон. Аҳауа иахьа ус иҟам, ари атәым ҳәынҭқаррақәа рҟны цәыкәбарла аӡы арҭоит, ҳара ҳҟны ақыҭаҟны ус аҭагылазаашьа ыҟам, иуадаҩуп. Акарпыжә шықәсык- ҩышықәса еиҳаны ҭыԥк аҟны ианыҟауҵо иҟалом, адгьыл аԥсы ауршьозароуп. Акарпыжә уажәтәи ажәла иаҳа ачҳауеит, агьамагьы ҽакала иҟоуп. Лаҵарамза алагамҭазы илаҳҵо нанҳәа азбжазы аџьармыкьах ицәыраҳгоит", - иҳәеит Кәакәасқьыр.
Шәазыӡырҩы аудио. Иаҳа инарҭбаау анҵамҭа шәаҳар шәылшоит арадио Sputnik Аԥсны аефир аҟны.
