Микрофон  - Sputnik Аҧсны
Арадио

Ҷедиа ашьа аҭаразы: аҭагылазаашьа уадаҩ иақәшәаз уицхраароуп

© Sputnik / Томас ТхайцукАйнар Чедиа
Айнар Чедиа - Sputnik Аҧсны
Анапаҵаҩра
НовостиTelegram
Ашьа адонор имш аҽны аԥсуа ар афицар Аинар Ҷедиа арадио Sputnik аҟны иазгәеиҭеит ауаа ргәабзиара ашәарҭара ианҭагылоу ашьа рыҭарала ирыцхраатәуп ҳәа.
Ҷедиа ашьа аҭаразы: аҭагылазаашьа уадаҩ иақәшәаз уицхраароуп

"Ари арра иадҳәалоу дҵаҟаҵараӡам, уи хатәгәаԥҳарала иҟаҳҵо усуп. Ауаҩы иаарласны ашьа аныиҭаху уцхыраароуп. Адҵаҟаҵаратә ҵараиурҭаҟны ҳара ҳҿы инеины иҳаҳәоит ашьазы. Ҳшьа иақәшәозар ирҭаху агәыԥ ҳрыцны ҳцоит ҳатәгәаԥхарала. Сара уи цхыраарак аҳасабала сахәаԥшуеит, иахьа ауаҩы аҭагылазаашьа уадаҩ данақәшәа уицхраароуп", - иҳәеит Ҷедиа.

Ашьа адонор адунеизегьтәи имш азгәарҭоит иахьа рашәара 14 рзы. Арыцхә адҳәалоуп Австриатәи аҳақьым аиммунолог Карл Ландштеинер иира амш. Иара 1930 шықәсазы афизиологиеи амедицинеи русхк азы Нобель ипремиа ианашьан ауаа ршьа агәыԥқәа ахьааиртыз азы.

Иаҳа инарҭбаау анҵамҭа шәаҳар шәылшоит арадио Sputnik Аԥсны аефир аҟны.

Ажәабжьқәа зегьы
0