АҞӘА, рашәара 22 – Sputnik, Бадри Есиава. Баҭал Ҷежьиа Лондон иқәгылара ԥхьаҟатәи испорттә ԥеиԥш азы акрызҵазкуа акәны дахәаԥшуеит иара ихаҭарнак Инал Лагәлаа.
"Баҭал хымз рыҩнуҵҟа Андреи Бупасеи Арсени Бабиаки рнапхгарала аҽазыҟаҵарақәа мҩаԥигон. 76 кьыла иҟоу рыбжьара дықәгылоит. Баҭал аиааира игар, апромоутортә еилахәырақәа рҟынтәи ааԥхьарақәа иоуеит, иаԥхьаҟатәи иԥеиԥш азгьы аҳәаақәа аатуеит", - иҳәоит Лагәлаа.
Баҭал Ҷежьиа диндаҭлараны дыҟоуп словакиатәи абоксиор Владимир Белужски. Уи апрофессионалтә ринг аҿы жәынтә дықәгылахьеит. Фынтә аиааира игахьеит.
Баҭал Ҷежьиа ҩаԥхьа аиааира игеит>>
Баҭал Ҷежьиа – ажурнал "Про Бокс" аверсиала Ихьыԥшым амилаҭқәа реидгылеи Аславиан тәылақәеи дырчемпионуп.
Апрофессионалтә ринг аҿы жәынтә дықәгылахьеит, рыжәынтә раангьы даиааит.
