"Иура иажәеинраалақәа убри аҟара аԥсуа колорит рыҵоуп, зны-зынла иухашҭуеит дара урыс бызшәала ишҩу, иара иагәылаиргылон аԥсуа жәақәа. Иҩымҭақәа рсиужетқәа аԥсуа флольклор аҟнытә иааигоз - ари абаидыруаз, иабатәиу ҳәа угәы иаанагарын. Аԥсуа поетцәа зывсуаз Иура илаԥш иаразнак иҵашәон. Уи азы ашьхыцба даҩызан иара", - ҳәа азгәеиҭеит Чачхалиа.
Денис Чачхалиа иҳәеит ихатә поезиа аҿиараҿы Иури Лакрба иажәеинраалақәа анырра ӷәӷәа шыҟарҵаз.
"Иареи сареи ҳаибадыруан, ҳаиҩызцәан, даарагьы ҳаицныҟәалон. Ирацәаны иажәеинраалақәа ҿырҳәала издыруан. Сахьнеилакгьы срыԥхьон. Уи иара, хымԥада, игәаԥхон. Злымҳа ҵару иаҳауеит иаразнак схатә жәеинраалқәа рҿгьы Иура Лакрба иҟазшьақәа џьара-џьара ишсылсуа, уи ипоезиа анырра ӷәӷәа ҟанаҵеит схатә поезиа аҿиараҿгьы", - ҳәа азгәеиҭеит Чачхалиа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
