АҞӘА, рашәара 24 — Sputnik. Марс ақәныҟәага Curiosity Марс аҿы аметан аҟазаара шьақәнаргылеит, уи иаанагоит Марс аҿы аԥсҭазаара ашьаҭа ыҟоуп ҳәа. Абри атәы аанацҳауеит РИА Новости, New York Times адыррақәа ҵаҵӷәыс иганы.
Арҭ адыррақәа аҵарауаа ироуит ииасыз амчыбжь азы. Уажәы Curiosity аҟынтәи инарҭбаау адыррақәа ирзыԥшуп. Аинформациа ҿыц ашәахьаҽны иҟалароуп.
Аҵарауаа ргәаанагарала, ирԥшааз агаз апланета аҩныҵҟа иҟазар алшоит миллион шықәса, уажәы ашьшьарақәа ирылҵуазар ауеит.
Метан адгьылтә бактериақәа ирылҵшәоуп ҳәа ишьоуп. Урҭ рҩызцәа абактериақәа еиҳарак аҵәыҵәри ахьыҟам аҭыԥқәа рҿоуп иахьуԥыхьашәо.
